حذّر الدكتور ماهر العباسي التونسيين من استعمال واقي الوجه مؤكدا أنه يتسبب في انتقال عدوى الأمراض أكثر من الوقاية منها واستعرض الأسباب التالي في شرحه للوضعية :

عزيزي التونسي
أوّل وأهمّ طريقة لإنتقال فيروس الكورونا والڤريب بصفة عامة هي اليدين .... كيف تمس طاولة وإلا باب وإلا سبّالة وإلا تسلّم على عبد ويكون فمة فيروس موجود على الأشياء الي انت مسيتها وبعد تحشي صبعك في عينك وإلا في خشمك وإلا في فمك وقتها الفيروس يدخل وتمرض . الطريقة الأخرى هي وقت شخص مريض يكح عليك وإلا يعطس عليك وإلا حاشاك يبصق عليك ... والي هي حالات نوعا مانادرة مقارنة لعدد المرات الي باش تمس فيه بيديك حاجات تنجم تكون ملوثة بالفيروس .
دونك كي تلبس الماسك هذا لا يزي ماتحميش روحك لا يزي تكثر من مسان وجهك بيديك باش تستوي الماسك دونك وقتها تعدي روحك لا يزي وهو الأهم تولي t’as l’air con
ولهذا بجاه ربي سيبولنا الماسكوات هذومة رانا نخدمو بيهم في بيت العملية باش تقعد البقعة الي باش نخدمو عليها في بدنكم معقمة .... ويزيو مالتفلسيف راكم ڤتلتونا ..... وأغسلو يديكم وماعادش تمسو وجوهكم وماعادش تسلمو على بعضكم باليدين ولا بالفم ولا بالخشم ...