أعلنت مريم بن مامي منذ قليل عن مقاضاة الإعلاميين سمير الوافي وعلاء الشابي على خلفية المكالمة المسربة بينهما والتي حملت في طياتها اساءة لها .

وكتبت بن مامي على صفحته الرسمية ما يلي :

1/ نحب نشكر جميع اجبائي الي ساندوني من بلادي و ليبيا و الجزائر و المغرب و مصر و الفنانين والصحافيين والسياسيين الي ساندوني و نقلكم الي تاثرت برشا بمساندتكم ليا. و انو محبتكم ليا كنز

2/ نحب نعلمكم الي سكوتي هاذا مش اختفاء ولكن ليوم فهمت الي اذا ما توريش حرارة يدك لعباد ما يترددوش بش اشوهولك صمعتك على اختلاف بسيط و ما ينظروش للعواقب.

3/ ولهاذا انا قررت بش نلتجئ للقضاء و ناخذ حقي بالقانون و ثقتي كبيرة في القضاء بش ينصفني و يتم ايقاف هاذا النوع من المهازل

4/ انا عمري ما كنت نقطع خبزة لعباد بل كنت ديما نحب نعاون بمقدوري و ما انجمش نطالب انو هاذا النوع من الصحافيين و المنشطين يتنحاو من البرامج متاعهم لان هاذا يرجع للمشاهدين و القناوات الي تعطيلهم الفرصة بش يبرزو و ما كانوش في المستوى. رغم الي عنا برشا صحافيين و فنانين يستحقو بلاصتهم

5/ انا باهتى في حاجة: هو صحيح ان الهايكا م عندها حتى دخل في هاذا. لكن ما ترددتشي بش تعمل مراسلة على الfrançais متاعي في برنامج هاذي اخرتها. اما احنا نعرفو الي personnage publique تصرفاتوا و خاصة في البرامج الحساسة يتطلب نوع من النزاهة و نظافة اليدين و الاحساس و المهنية والرسانة و ضبط النفس و خاصة عدم انتهاز الشهرة للضرر بالاخرين. وان افعالهم خارج البرامج مرتبطة بادائهم المهني. و لكن اختارت الهيكا الصمت...