وصلتنا رسالة من شقيق أحد الشابين اللذين راج انهما أبحرا خلسة وهذا نصها ننشرها كما هي :
نظرا لما تم تداوله على مواقع التواصل اجتماعي أن مراهقان قاما بالهجرة الغير شرعية تجاه ايطاليا..
معتز و ريان ما حرقوش راهم .. كل يوم يتراناو و يروحو ملّي عمارهم 6و7 سنين و كيما ذكر سي احمد المسلماني في راديو ماد انهم مستانسين بالسفر للقيام بمسابقات مع النادي القليبي للرياضات البحرية .. و كيما ذكر زادا سي احمد انهم شاركو في مسابقات وطنية و دولية و خذاو عدة ميداليات و من خيرة الشباب تربية و مهارة و الناس تشهد بهذا .. اذا في مخهم الحرقة كيف مشاو لموناكو راهم قعدو غادي ..
الي صار انهم نقذو رواحهم مش حرقو
الريح امس كان قوي و الطقس نو و هذا حتى السلطات المعنية قالتهولنا مستحيل يحرقو وقتها
كيف غلبهم الريح و تعبو و الموج يتعالى عليهم كانو ذكيين و الحمدلله و حلو GPS بحكم انهم يشوفو في بونتالاريا و مشاولها بش يحميو رواحهم و كيف وصلو فما شكون يرحم والديه عرفهم مش من فم و الكل عشاهم ( البيتزا الي هوما هبطوها عالنستغرام و العباد ردتهم عندهم فلوس و احنا ك عايلتهم عطيناهم فلوس) و هوما يتعشاو كلمونا و قالولنا رانا وصلنا و لاباس و هانا تعشينا و بش نكلمو الحاكم يجينا صحيح تغصرنا بالنو اما تو بخير.. و مشالهم الحاكم و تو نشالله يروحو بيهم .. يرحم والديكم يزيو مالإشاعات رانا قلوبنا مشوية عليهم و الي يعرفهم يعرف انهم مش متع الشي هذا .. و ربي يرجعهم سالمين.. الي يحرق ما يحرقش 11 متع الصباح و ما يكلمش الحاكم بروحو ..

*صورة لأحد الشابين