هاجم النائب ياسين العياري كل من يحاول تبرير فضيحة لقاحات الإمارات والتي تم الكشف عنها من قبل إذاعة راديو ماد .

وقال في تدوينة له

يعني.. هم كانوا وقحين لدرجة تبرير الظرف المسموم الذي أصاب نادية بالعماء المؤقت و حطوه في الديشكتوز و طلع ما فيه حتى شي، خلي بش يصعب عليهم تبرير فضيحة إخفاء التلافيح و التكتم عليها إلى أن ينفذ صبر نائب بعد ما خلالهم متسع طويل من الوقت و يعلم التوانسة!

يا الله، كان الله في عون الجميع!

في الإخر، إلا من رحم ربي، كلكم مبرر لحاس لشخص و يكره و يفد من تلحيس و تبرير أشخاص أخرى لناس أخرى.. الكلكم تبوسو في اليدين، الكلكم ينعمبو زينك يا عبير، الكلكم بالشفاء سيدي الرئيس!

لا تختلفون لا في الفعل و لا في الجوهر و لا في النفاق و لا في التقديس و لا في التقلب و لا في المكابرة، فقط تختلف أصنامكم.. إلا من رحم ربي.

ناس البارح تسخايبهم الغنوشي و قطر، تبرر و أخرى تهاجم و تزايد و قالبة الدنيا!

كي طلع سعيد و الإمارات، الي كان يهاجم و يزايد البارح صبح يبرر، و الي البارح يبرر اليوم يندد

لا مبدئية افري وار! الي هذا يشوف الوجوه و يقسم اللحم، و الي تحبوا سقطله و الي تكرهو لقطله.. المهم ربح جماعتي و خسارة الأخرين، لا القضية في حد ذاتها.

متأكد إنه الحيط هذا فقط و من رحم ربي، لو كان الأمر من الغنوشي، المشيشي، سعيد، باطمان حتى : سيكون نفس الموقف، تقدير المواقف بموضوعية، لا حسب صاحبها!

على كل.. يا الله، كوراج.. تبريرا شهيا..