متابعة لقضية التحرش التي رفعتها الاعلامية عربية حمادي ضد سليم شيبوب صهر الرئيس السابق بن علي والرئيس الأسبق للترجي والتي تم على اثرها إيقاف شيبوب من قبل النيابة العمومية ، كشفت منذ قليل عربية حمادي أن وفدا من عائلة سليم شيبوب زارها في منزلها لتقديم اعتذار عن ما صدر منه -وفق تعبيرها - في تدوينة نشرتها على صفحتها الرسمية . ولم تذكر عربية قبولها للاعتذار أو تنازلها عن القضية ، غير انها ردت على بعض التساؤلات والاتهامات الموجهة إليها في التدوينة التالية : #قالو: عيب عليك شهر فضيل _عرضي و عرض عايلتي ماهتكتهمش في شهر فضيل كان عينك راكي سكّرتي الباب من أوّل كلمة علاش نسكّر في باب مش أنا إلّي حلّيتو و ممكن يتحلّ مرّة أخرى في وجه غيري سبّيتي جمهور الترجّي كيفاش نسبّو وأنا و بنتي منّو انا قلت إلّي معتبرين الترجي مربوطة بإسم و سبّني على خاطرو ما تسنفزّنيش لا نهبّط إلّي يحشّمكم قدّام الجار يحشّمك إنت و إلّي تدافع عليه لأنّكم مش الترجّي و الترجّي أكبر منكم فضحتي روحك و نشرتي الموضوع على قارعة الطّريق سمعوني تكلّمت في إذاعة أو تلفزة حبّبتي تبتزّيه علاش مشيت للقضاء راجلك إستدرجو علاش شكونو هو وزير رئيس حزب مترشحّ لمنصب سيدي تاتا إلى يجي يستدرجو تلوّجي على البوز علاش رفضت عرض الخدمة و راضية و فرحانة بنشاطي في الفايسبوك فقر و مشاكل و كورونا وإنت تلهّي في الرّأي العامُ انا بعد الي عملتو الكل تقولولي هذا لأنّي تكلّمت على مصيبة هبطت على راسي و ممكن تهبط على رأس غيري و غيرو من الكلام إلّي نقرأ فيه أنواع و أشكال مش مشكلة يمين البكّوش في صدرو و العبرة بالخواتيم الكرش صبّاغة دبّاغة و تجيب الرّاجل والذّكر شكرا للممثّلين عن عايلة شيبوب إلّي زارونا اليوم في دارنا لطلب الإعتذار و الإعتذار ما يقدرو عليه كان الكبار و إحنا ما نسكّروش بابنا في وجه #الرّجال إلّي تقول #عندكم_حقّ و شكرا لجماعة القراءات و المؤامرات و التكمبيصات و العلاقات الدّوليّة و الموساد و لبعض الأساتذة المحاميين و المحاميات و أدمينات الصّفحات و السّادة و السّيدات أنا #خرشف و إنت #ذكر أنا #عزوزة و إنت #شيء #طبّق_القانون #عربيّة