على خلفية الاضراب العام الذي نفذه الاتحاد العام التونسي للشغل اليوم الخميس 17 جانفي 2019 في القطاع العام والذي تسبب في شلل كلي في قطاعات النقل والصحة والطيران والادارات والبلديات ،نشر مهدي بن غربية الوزير السابق المكلف لدى رئيس الحكومة بالعلاقات مع الهيئات الدستورية الموقف التالي من الإضراب :
" اليوم عاشت تونس على وقع اضراب عام ، الاتحاد العام التونسي للشغل منظمة تدافع على منخرطيها و الحكومة ناقشت و قدمت مقترحاتها حسب إمكانيات البلاد ، الاتفاق ماحصلش و الإضراب تعمل دون عنف دون تجاوزات ، الأمن الجمهوري قام بدورو في حماية المضربين و المواطنين و المنشآت العمومية كيما يقتضيه القانون ، و الإعلام الحر يغطي الإضراب و المسيرات و يقدم آراء الأطراف الكل.

جانفي 2019 ماهوش جانفي 78 كيما تصور و الا تمنى البعض.

عملنا جمهورية ثانية بمؤسساتها رغم النقائص و برغم الظروف الاقتصادية و الامنية الصعبة اللي عرفتها بلادنا ، و اليوم كل مواطن عندو رأي و بعد أشهر بش يقرر للبرنامج الي يصدقو و يقنعو.

اسهل حاجه للحكومة كونها تستجيب لمطالب الزيادات ، ينجمو يكونو انتهازيين و يفكرو في الانتخابات الجايه و يقبلو شروط الجميع لكن االبلاد امانه و الي يرهن تونس اليوم صغارنا و صغار صغارنا هو ما الي باش يخلصو .
اليوم اكثر من البارح تونس في حاجه لأولادها و بناتها ، اليوم حاجتنا بش ننساو خلافاتنا العميقة و نتلفتو البلاد و العباد و الا العواقب باش تكون وخيمة على الناس الكل.
تبقى الحرية مكسب كبير حققوه التوانسه و تبقى للديمقراطية قواعدها.

تحيا تونس "