في إطار حق الردّ ، وصلنا التوضيح التالي من حافظ المومني رئيس جمعية تبلبو الرياضية  بقابس ننشره كما وردنا : 

بعد صدور مقال في موقعكم تتحدثون فيه على ما أتيته انا حافظ المومني رئيس جمعية تبلبو في مقابلة مارث الرياضية و جمعية تبلبو قابس
أود ان أحيطكم علم ان ما جاء في مقالكم كان واضح من العنوان عندما تنحصر الهزيمة في شخصي بقولكم بعد ان هزموه و كان  منقول من مسير في جمعية مارث و ليس له علاقة بالواقع و كان من الأجدر التثبت من المعلومة قبل نشر المقال
أولا انا رئيس جمعية محترمة و عندي مدة طويلة في التسيير الرياضي هذا الى جانب  معرفتي عن قرب لعديد المسؤولين البارزين في التسيير الرياضي في الكرة التونسية و حتى خارج حدود الوطن و تنقلت مع النادي الافريقي لأفريقيا و المغرب و الجزائر و عشت عن قرب عديد المقابلات الكبيرة في تونس و خارج تونس ما ينجمش اليوم يجي اَي كان و يعطيني دروس في طريقة التسيير او كيفية الدفاع عن حقوق  جمعيتي و شنوا نقول و شنوا نعمل خاصة وقت يكون مسير سنة أولى تسيير في رابطة جهوية ابعد تنقل مشالا 130 كم
المسيرين لي يتهموا فيا اني عملت البلبلة و تطاولت هلى جماهير مارث كان من الأولى يتصدوا للتصرفات لي كان مخطط ليها من قبل المسير هذا لي فاهم الأمور بالغالط
موش حافظ المومني لي علق لافتة فيها مس من أهل تبلبو كاملة و كان عندي نية التجييش كنت ننشرها
موش حافظ المومني لي يتفاخر بصورة الدخلة لي فيها ايهانة لجمعية تبلبو و جمعية بوشمة
موش حافظ المومني لي تعرض الحافلة في الدخول للملعب مع بعض الباندية و اعتدى على الملاعبية
وقت مارث لعبت في تبلبو جمعية و مسيرين و أحباء ناس كل روحت في صحة جيدة في وقت كاتب عام تبلبو وقع نقله للمستشفى اثر إعتداء نائب رئيس جمعية مارث ما نستحضرش اسما مازال جديد في التسيير الرياضي و تم نقله للمستشفى و باش نمدكم بالصورة و عندي شهادة طبية من مستشفى مارث 
تقرير مراقب المقابلة  واضح تنجم تتصل بالرابطة و تاخذ فكرة على ما دونه المراقبين و الحكم
بكل لطف حبيت نقول للمسؤول هذا كان تحب تضهر في الاعلام و هذا مفهوم لان الموضوع جديد بالنسبة ليك و حلم ممكن تحب تحققوا  لكن موش على حساب حافظ المومني
سيدي الكريم لكم الصورة و التعليق نخليه للمتتبع للشأن الرياضي
و نختم بكلمة وحدة إن لم تستحي إفعل ما شئت

حافظ المومني رئيس جمعية تبلبو الرياضية  بقابس