كتب سمير الوافي تدوينة على صفحته الخاصة بموقع التواصل الاجتماعي الفيسبوك توجه فيها لمنتجة عمل "للا السندريلا" سنية بن بلقاسم بما يلي :

"إلى سنية بن بلقاسم :

حتى أنا نوعدك إذا تم فتح تحقيق في صفقة شراء مهزلة " للا سندرلا " من طرف القناة الوطنية وإذا طلع فمة فساد ودخلوك للحبس ( نقول اللطف عليك خاطري متربي ) تو نعاملك بالمثل ونساندك كيما ساندتني انت سابقا...ماك تعرف الحبس مليان ببرشة مظلومين مسجونين ظلما والشارع مليان ببرشة مجرمين وفاسدين يحوسو أحرار..."

وقد تلت هذه التدوينة تدوينة اخرى في نفس السياق جاء فيها ما يلي :

"ثقافة النجاح : سوسن الجمني تونس كاملة تحكي على مسلسلها و هي لتوا لا تكلمت في البلاطوات والبرامج ولا صرحت حتى بكلمة رغم البوليميك الكبير اللي عملو فلوجة...والأرقام القياسية اللي حققها...وكتبت عليه حتى لوموند اليوم وحقق اربعة ملايين مشاهدة في حلقة...!!!

هيستيريا الفشل : سنية بن بلڨاسم من أول رمضان تدور و تعكل من تلفزة لراديو...وتسب في الناس الكل و تحكي على عملها للا سندريلا على أساس أنو احسن عمل رمضاني السنا و حقق نسبة مشاهدة عالية وخير من تيتانيك وناتفليكس يجري وراها...و هو ما سمع بيه حد وحتى عايلتها ما تفرجوش فيه...!!"

وكانت المنتجة سنية بن بلقاسم قد علّقت  خلال استضافتها على إذاعة إي أف أم على تصريحات الإعلامي التونسي سمير الوافي بخصوص سلسلة للّا السندريلا، حيث تشنّجت هذه الأخيرة وقالت :”هذايا نقد توا.. ماناقصني كان سمير باش نجاوبو، سمير صديق وما نعرفش علاش ركز معايا ممكن خاطرني ماجاوبتوش .. وما نحبش نجاوبو سمير خاطر مش كل الناس تستحق الإجابة و فما ناس لا اما سمير اللي كتبو ضحكني ماقلقنيش .. خليتو على روحو يحكي”.

و أضافت :”مانحبش نجاوبو مع العلم أنه سمير وين يدخل للحبس أنا نبعثلو ميساج في الحبس نلطّف عليه نقولو ان شاء الله ربي يخفف عليك يخلّص وحلك.. اما الدخلة الجاية للحبس باش نرجع نبعثلو ميساج و نساندو مرة أخرى معناها سمير اول ما يدخل للحبس المرة الجاية كيف يخرج يلقاني باعثتله نفس الميساج”.